財政司司長曾俊華（鬍鬚曾）拒答四名非建制議員問題嘅事件愈搞愈胡鬧！曾俊華前日聲稱自己係跟隨政府立場先至拒絕回答四名遭政府入稟挑戰嘅議員。政務司司長林鄭月娥隔咗短短幾個鐘頭就跪低，話官員會繼續回答所有議員問題，講到好似政府曾經一度改變政策咁。尋日輪到特首梁振英（CY）開腔，佢竟然話唔知情，去到當日中午食飯前先知鬍鬚曾拒答議員問題。三個人都矇查查咁，政府下屆再唔換班，香港肯定冇運行！
