政情：今日你上鏡：卿姐盛讚日本文化建築

民主黨（白鴿黨）前主席劉慧卿（卿姐）同副主席羅健熙及中委馮文韜，尋日一齊出席駐港日本使館嘅活動，白鴿黨早前曾經組隊去日本考察，卿姐講起日本，都大讚日本嘅嘢食好味、建築物同歷史文化亦都好好，至於白鴿黨下次仲會唔會去日本交流，卿姐就話睇下個黨，仲拍拍羅健熙，望望馮文韜話「領導層呀，副主席，中央委員」。卿姐啱啱卸任，就體現不在其位，不謀其政，將啲工作交番畀新領導層，仲介紹佢哋畀傳媒認識，認真難得！