港鐵沙中線工程有傳超支逾二百億元，比高鐵所超支嘅一百九十幾億元更多，令到整條沙中線造價直逼一千億元，又係一個無底深潭！近年嘅大型基建項目超支情況已經淪為常態、屢見不鮮，好似港珠澳大橋、蓮塘口岸等個個項目都超支。呢啲超支項目同運輸及房屋局局長張炳良監察不力息息相關，睇嚟佢真係超支當食生菜，多次浪費巨額公帑都唔覺得汗顏。香港啲基建項目一個二個都變成黑洞般，吸盡納稅人嘅血汗錢，真係多得呢班庸官唔少！
