影相嘅目的無非為咗留下值得回味嘅一刻，因此迷人嘅女模往往係鏡頭捕捉嘅對象，而目的正正係希望能夠透過相片，為大家帶嚟具有美感嘅視覺享受。講到被喻為南韓最上鏡車模之一嘅韓慧恩，佢不但擁有前凸後趷嘅火辣身材，仲有極具氣質嘅樣貌，難怪每次喺車展及賽車場亮相，總會成為爭相拍攝嘅對象。
出生於南韓大邱嘅韓慧恩，喺佢於南韓嘅嶺南大學國際貿易教育系畢業前，已經從事模特兒工作。雖然當時嘅佢只係玩票性質，但憑住出眾嘅身材，尤其係一對迷人豪乳，已經喺私影模特兒界中薄有名氣。大學畢業後，佢成為OL一族，不過枯燥嘅工作同生活，慢慢令佢對自由度較大嘅模特兒工作感興趣，故此喺2014年佢作出一個重要嘅決定，到模特兒公司自薦，由於佢早有經驗，加上佢擁有令人印象難忘嘅玲瓏浮凸身材，最重要係佢身上散發出既可動又可靜嘅氣質，可塑性比一般模特兒更高，故此成功獲取錄，同年首次喺首爾車展中以車模身份亮相。大家都知南韓嘅車展，車模係汽車以外，另一個吸引大家嘅焦點，事關美艷嘅車模配合性感嘅制服，每每令男士為之雀躍不已。化身成性感車模嘅佢，吸引大家嘅目光之餘，仲成為爭相拍攝嘅對象。透過呢次機會，佢唔單止火速冒起，人氣更喺網絡上不斷飆升！自此之後，佢經常喺賽車場上亮相，美艷嘅形象令佢嘅人氣愈嚟愈高。
及後佢又以寫真模特兒身份拍攝迷人照片，將其火辣身材以唔同嘅造型攻陷大家嘅眼睛。不過講到佢人氣真正喺網絡爆發，卻同佢一次無心插柳嘅動作有關。話說去年佢將自己嘅寫真及生活照片放上網，當時佢只係諗住同朋友分享一下工作同生活點滴，點知卻喺大意之下，將自己嘅社交平台公開，結果喺短時間內，引嚟大量粉絲關注。佢諗住將平台變番做私人空間，但見到粉絲熱情嘅留言，卻覺得呢個可能係同大家交流嘅一個機會，自此之後，佢就苦心經營個人平台。透過呢個平台，不但令佢成為南韓嘅網絡紅人，而且令更多人認識到佢真實嘅性格。唔講唔知，原來佢係個球迷，經常同朋友一齊去睇直播賽事。據佢講，因為受到屋企人影響關係，所以唔單止鍾意睇球賽，甚至諗過成為女子足球運動員。不過由於佢唔係波踼材料，最終都係放棄呢個諗法。家陣佢經常喺網絡上分享對球賽嘅睇法，因而吸引唔少球迷捧場。
簡介：韓慧恩不但擁有激凸嘅上圍，一對修長美腿同樣相當吸引，但係點都冇諗過，原來佢曾經想成為女子足球員。如果大家想了解阿妹多啲，就要成為佢嘅IG粉絲，可以睇到佢好多生活照。
網址：https://www.instagram.com/superbaby_he/
出生地：大邱
身 高：167cm
三 圍：34、23、34
撰文：魂