政情：公民講場：廿年做「旦散」 梁耀忠難擔大旗

立法會十八個事務委員會尋日選舉正副主席，首個進行選舉嘅係保安事務委員會，兼且改由「逃兵」梁耀忠任主持，佢不但借機狂批秘書處，企圖為自己上次主持立法會主席選舉甩轆洗底，更夥同議會新丁劉小麗賴死唔走，諗住突襲發展事務委員會，結果功敗垂成，更搞到保安同人力兩個事務委員會「難產」。老實講，阿忠做咗超過二十年議員，竟然對議事規則一知半解，仲聽新丁老點一齊玩嘢，卒之洗底不成，仲被人鬧鑊甘。可能阿忠過去廿年都好似做緊大戲中嘅「旦散」閒角，一下子要佢擔大旗做主角主持會議，結果咪露晒底囉！