政情：公民講場：消防又爆欺凌 李建日無能為力

消防處再爆欺凌性侵同袍醜聞惹起大眾嘩然，日前流出嘅短片中兩名消防人員疑似被多名同袍強行脫褲露出下體，消防處處長李建日尋日首度開腔回應稱十分關注同重視事件，強調不能接受任何違反紀律行為，並已就事件成立調查小組調查，如果涉及刑事成分，會轉介相關部門處理，並會對違規嘅消防員作出紀律處分。既然李建日話不能接受任何違反紀律嘅行為，但係點解呢啲欺凌性侵嘅事件爆完一單又一單，而調查嘅時間又要咁長呢？難免令人質疑佢講就天下無敵，做就無能為力嘞。