綠色先鋒：泥竹重生
設計，是幫助人類解決問題。擁設計師及建築學生雙重身份的徐啟軒（Stefan），把握每個機會，希望自己的設計，做到幫人、幫社會。為了達到目標，近年他更多了一個身份——拾荒者。他走訪橫街窄巷，收集竹、膠喉等建築廢料，加入自己鍾情的水泥，升級再造成文具筒，幫到自己解決亂放文具的壞習慣，亦幫到堆填區減廢。他連生長在渠蓋、磚縫的不起眼小植物也要幫，為它們設計水泥展品，希望大家知道，這些植物對地球有貢獻，哪怕是只供丁點的氧氣。
圖：關萬亨、受訪者提供 /文：溫盈盈
正在修讀建築系的Stefan，接觸過各種建築物料，卻鍾情水泥。原因是不甘水泥用途多多，原始面貌卻往往被嫌棄，「香港超過百分之九十五的建築物都要用石屎、水泥建造而成，但佢嘅面貌，就因為畀好多油漆、木地板修飾，蓋過佢存在，其實水泥本身就好出色，好想幫佢平反。」
拾荒重用建築廢料
就是這種愛抱不平的個性，建築廢料成為他近年「拯救」的對象。Stefan憶述，剛開始在地盤實習，發現建築工程會預留百分之五至十的建築物料「以防萬一」，但十之八九的工程都用不完，大部分都被送至堆填區，「我就諗會唔會可以利用啲建築廢料做啲嘢。」適逢兩年前，在一個盂蘭節慶後，築起戲棚的地方，往往都遺下大量竹頭竹尾，他「膽粗粗」問搭棚師傅取竹，「初頭我都唔知有咩用法，但橫掂可以攞，自己又鍾意落手落腳整嘢，咪試吓。」
於是，他以竹、水泥及三文治盒，製作名為「泥竹深陷」的文具筒，更舉辦工作坊教授製作方法。近日他更參與由香港建築師協會的「築‧自室2之家－城÷」展覽，由即日起至本月七日，市民可欣賞到Stefan名為「座無虛植」的展品。製作意念來自他「拾荒」期間，發現渠蓋、磚縫和舊樓不時會出現小植物，「呢啲都唔係被規劃、唔係被安排嘅綠化植物，其實佢哋對社會都有貢獻，可能我哋吸緊嘅氧氣有百分之一都係嚟自佢哋。」