交通諮詢委員會喺今年首半年接獲九百二十七宗有關違例泊車嘅投訴，較去年同期增加三成，增幅最大嘅係西貢區，增加逾一倍。主席郭琳廣指投訴上升，除咗因為車輛數目增加，亦難以尋找土地興建泊車設施，佢認為要打擊違例泊車需多管齊下，包括希望立法會通過交諮會一年前提出將俗稱「牛肉乾」違例泊車罰款增加五成嘅建議。依家一張「牛肉乾」三百二十元，加五成就增至四百八十元，但只係治標不治本，歸根究柢係泊車位不足，政府部門究竟瞓醒未呢？
