政情：林琳最怕黨中「臭男人」

林琳話，自己一向好少出汗，但身邊嘅男人明明大汗又少用止汗水，所以佢同黨友工作嘅第一日就攞支止汗水出嚟，然後毫不猶疑咁噴落三個男人度。噴咁多止汗劑，怕唔怕會有致癌物呀？林琳就話冇留意，不過佢好少用，大家一齊工作都只係兩個月啫，應該冇咁毒啩？

拒幫周浩鼎買防曬

解決咗大汗，但就未解決防曬，男人都曬到紅咗，黨友周浩鼎個鼻紅到似聖誕鹿添，原來只有林琳有用防曬，咁不如幫佢哋買埋啦？林琳就話：「唔通我用手幫佢哋搽咩，叫佢哋老婆搞掂啦，我只係要維護自己個鼻」，佢考慮整番個WhatsApp群組，提點各人嘅老婆做咩準備，祝各位男士唔好曬到甩皮喎。