韓國賽車女郎個個外形勁索，有靚樣有身材有長腿，試問又點會唔引死人呢？如果要數當中極具人氣嘅，一定非近年紅到發紫嘅徐雅蘭莫屬，佢不但有齊上述優點，加埋優雅氣質，令佢喺賽車場上成為焦點。
曾經有韓國賽車迷表示，賽車固然係吸引佢哋到賽車場嘅原因，而喺賽車場上亮相嘅賽車女郎，更係吸引佢哋入場嘅重點，事關呢班囡囡以性感嘅低胸賽車女郎服示人，加上超短迷你裙下展露出一雙美腿，相當養眼。出生於江原道嘅徐雅蘭，不但擁有高挑嘅身材，三圍更係豐滿誘人，尤其係嗰對D罩杯，輕易喺賽車場上吸引男士們嘅目光。2012年佢以車胎廠所屬賽車女郎身份首次喺賽車場上亮相，憑住出眾嘅外在條件，加上斯文優雅嘅氣質，成為眾人嘅焦點。當其時初次登場嘅佢，不但冇怕醜，反而熟練又自然地擺出唔同甫士，令佢人氣急速飆升！自此以後，佢就成為賽車場嘅常客，每年都會為車隊或賽車產品擔任賽車女郎。究竟雅蘭係咪天生咁靚女嘅呢？佢解釋係來自母親嘅遺傳，原來媽媽年輕時亦係一個美人，加上勤做運動及練習跳舞，令佢由內至外都咁靚。
可能有人會覺得奇怪，點解佢初出道面對大型賽事時都唔會怯場呢？原來係因為經過一段時間嘅專業培訓，所以佢表現得非常淡定，此外佢曾經以歌手身份推出唱片，更係女團組合嘅其中一個成員，不過基於某啲原因，其後佢轉到車模界發展。正所謂命運早有安排，成為賽車女郎嘅佢成績有目共睹，而且發展亦唔局限於賽車場，佢經常喺車展上亮相，又化身成商品模特兒為各類型嘅電子產品、化妝品、時裝等進行展銷活動，亦以電玩女郎喺電玩展上登場，成為一位發展全面、形象百變嘅模特兒。相信大家會有個疑問，究竟雅蘭喜歡模特兒工作定唱歌多啲呢？佢就話最鍾意唱歌，現時佢亦經常去練歌，只係講到滿足感，則係模特兒工作先至可以畀到佢呢種感覺。
簡介：要數徐雅蘭嘅魅力，只集中喺樣貌同上圍係未夠全面，事關佢嘅美股同樣獲得唔少男士激讚，渾圓得嚟又夠堅挺，配合唔同嘅戰衣，輕易成為賽車場嘅焦點。想睇多啲佢嘅靚相，就要Click入呢個網喇！
網址：http://cafe.daum.net/seoaran
出生地：江原道
身高：173cm
三圍：35、24、36
撰文：魂