政情：重返觀塘 王賢誌憶童年往事
早幾日我哋喺一個活動上見到東華三院副主席王賢誌（Vinci），佢透露自己於觀塘區長大，一直住到十二、三歲先離開該區，難怪東華喺觀塘舉行賣旗活動，佢咁熱心落區賣旗喇！
難忘食西餐有曱甴
Vinci回憶住觀塘區時，爸爸王忠桐成日帶佢落街食嘢，記憶中觀塘好多嘢食。問佢對邊間餐廳最懷念或者最鍾意食乜小食，佢就笑言同其他小朋友一樣，淨係鍾意零食同飲汽水，所以冇乜印象喎。不過佢就有個最深刻嘅記憶，有次佢同爸爸去食西餐，食食吓竟然發現有隻曱甴喺食物度，當堂冇晒胃口，事隔多年佢依然記憶猶新。
近年觀塘重建，Vinci話，裕民坊附近一帶嘅舖頭都變咗好多，佢都未必搵得番以前食過啲咩，不過重臨舊地依然係有一種興奮嘅感覺喎！