政情：今日你上鏡：岑敖暉就畢業 前路未定

學聯前副秘書長岑敖暉（Lester）自前年佔領行動後已趨向低調，即使曾經一度部署參選立法會亦告吹，轉為幫其他人助選，尋日立法會投票日佢就為新界西候選人朱凱廸站台。Lester現時在中大修讀政治與行政，講起佢差唔多畢業，唔知佢滿唔滿意自己嘅成績呢？同埋都應該係時候要諗定畢業之後嘅出路喇！佢透露目前GPA成績都過三，但畢業後去向就暫時未有打算，對於會否選擇留港繼續升學定係考慮去外國留學等均未有計劃。問Lester佔領行動後少咗搞活動有冇唔習慣，佢就話唔會，因為一路都有參與喎！