政府去年初公布成立降低食物中鹽和糖委員會，討論減鹽減糖措施，仲委任咗公職王陳智思做主席添，但年半過去，委員會嘅工作進展好似都幾緩慢。理工大學社會政策研究中心主任鍾劍華尋日就發表一項調查，發現四分一受訪港人每日外出用膳，好多人只重視價錢，因而忽略食物係咪健康，而有三成七受訪餐廳未能做到食物少油、鹽和糖。鍾劍華批評係因為政府喺推廣健康飲食文化上決心不足，而且缺乏主動性，變相就係講緊陳智思執掌嘅委員會工作未見成效，睇嚟陳智思要改變「循序漸進」嘅思維先得喇！
