中環出更：逾20人踩上門 斥漢奸黎「賣國賣港」
社會聲討壹傳媒黎智英（漢奸黎）嘅行動持續超過兩個月，尋日下午繼續有逾二十名市民去到漢奸黎位於何文田嘅寓所外拉起橫額及高舉示威標語抗議，批評漢奸黎係「賣國賣港賣國賊」。
舉「毒果害民」紙牌
尋日下午近二時三十分，二十多名男女帶同寫有「黑金黑心黎智英、賣國賣港賣國賊」字眼嘅大型橫額及多個紙牌，去到漢奸黎寓所外示威。示威人士拉起橫額同舉起寫有「肥黎賣國，毒果害民」等字眼嘅紙牌，又高叫口號，批評黑金禍港，怒斥漢奸黎遺臭萬年。示威者逗留約三十分鐘後，就有警員到場登記部分人士身份證，其後一名警員喺現場留守。
直至近下午四時，示威人士再攞出約十個寫有「黎賊」、「黎智英遺禍人間」等字眼嘅黃色氣球，多次高聲叫口號抗議，跟住就將氣球整爆，最後和平散去。
針對漢奸黎嘅抗議行動不絕，自六月十日起，包括尋日行動在內，到漢奸黎寓所及將軍澳壹傳媒大樓外嘅抗議最少有四十七次，當中自稱霸王國際集團員工及苦主嘅佔十次、正義聯盟佔三次，旅遊業界同其他人士則有三十四次。
卓妮