政情：闊別四年林瑞麟無意返官場
前政務司司長林瑞麟自從二○一二年中離開政府後，一直保持低調，其後前往英國牛津大學修讀神學，即使返港後亦鮮有出席公開場合，我哋尋日於一場合見到林瑞麟，佢於分享見證會就侃侃而談，但與傳媒打交道時疑不復當年勇，不但未有留下聯絡方法，僅指「離開政府就係離開咗」，自此亦無同傳媒聯絡，言談間暗示無意重返官場。
林瑞麟尋日出席一個分享見證會，談及一二年離開政府讀神學後嘅點滴，佢自言係神話畀自己知，其做公共服務嘅軌迹已經行完，而喺讀神學期間，佢曾經同政府舊同事一行三十多人一齊去以色列，當中只有一名同行人唔係基督徒，佢只係陪同本身係基督徒嘅老婆同女兒一同參加。林透露，雙方其後仲有聯絡，當得悉對方患上咗黃斑點病，就轉介對方睇專科，最終打完兩支針後視力恢復咗九成，並自此信主。