喺現今世代，要令產品受到注目，宣傳相當重要，而喺宣傳女星方面亦一樣，好似日本人氣美少女新星橋本環奈咁被喻為「千年一遇的偶像」。最近出現一位勁敵更加犀利，就係「2000年一遇的美少女」瀧口光喇！到底光妹係咪真係咁勁呢？即刻同大家睇睇。
小弟一向都對日本AV界同寫真界嘅美少女系列冇乜興趣，原因係所謂美少女通常只會賣萌，以可愛清純氣質以及鮮嫩胴體作賣點，身材卻欠豐滿感。之不過，隨住時代變遷，小弟對美少女開始改觀，因為好多新入行嘅可愛美少女都相當好波，例如上位速度快過坐火箭嘅星名美津紀及山中真由美，仲有今日介紹畀大家嘅瀧口光！
今年21歲嘅光妹氣質清新又純真，可愛得嚟唔會假天真，相信巴打一定唔會抗拒。當然最吸引嘅係，光妹充滿萌味嘅面孔下，擁有豐滿嘅上圍，一對32F美巨乳，斤両十足，加埋透明感嘅肌膚，呢對F奶吸睛度大增，猶如晶瑩剔透嘅水晶燈一樣，最高品質嘅巨乳莫過於此！
光妹細個時嘅志願係做護士，咁點解佢大個咗冇成為白衣天使呢？事緣有一日佢喺街頭被星探發掘，邀請佢為男性雜誌《Samurai ELO》當模特兒，相片出街之後立即被藝能事務所睇中，結果佢就加入咗藝能界。出道初期，光妹好鍾意紮孖辮，成為「雙馬尾協會」其中一員，後來更成為女子組合「drop」嘅成員，人氣愈來愈強，更被喻為「2000年一遇的美少女」。
當然，光妹喺舞台上表現出色，深受讚賞之外，拍寫真時展露巨乳就梗係萬眾矚目，人氣更上一層樓啦！早前，其妹妹
瀧口綺羅成為女子組合「KAGURA」嘅成員，實行學家姐一樣喺舞台上發光發熱。其實光妹有今日嘅成績實在唔簡單，佢出身於一個貧困家庭，而光妹相當生性，為減輕父母負擔而去兼職搵錢，家陣佢希望將來可以喺日本知名表演場館武道館演出，一次過請晒家人欣賞，好乖女呀！
簡介：瀧口光近期經常同「drop」嘅成員四圍登台，閒來亦會大家一齊去玩，從其Twitter就可以睇到晒佢嘅一舉一動喇。
網址：https://twitter.com/blue_drop920?lang=ja
年齡：21歲
身高：5呎1吋
三圍：32F-23-33
撰文：賢