中環出更：立法會惜別晚宴「奶水」贈興

立法會秘書處喺朝早收到議員助理查詢，指大樓內的食水呈奶白色，所以搵咗機電署抽取水樣辦，證實食水確呈奶白色，但靜止一陣會變回正常，原因係喉管內出現空氣泡，並無安全問題。

食水問題告一段落，晚上嘅惜別晚宴如常舉行。晚宴上更安排即將告別議會嘅議員上台分享，陳婉嫻就把握機會向政府追數。其後有歌唱環節，出現難得一見嘅泛民與建制派議員同台合作，唱出多首名曲，好似《愛拼才會贏》同《難為正邪定分界》等，更獲梁美芬擔當伴舞，而唱得之人、政制及內地事務局局長譚志源更即場表現震音，技驚四座。

單仲偕仲飲到紅住面離場，話要抖一陣先可駕車離開，現場氣氛應該相當高漲，大家暫時放低議事廳內嘅紛爭。不過，並唔係所有泛民議員都有出席晚宴，其中公民黨及人民力量就冇人報名嘞！

卓妮