政情：今日你上鏡：劉夏食飯互相送別
早前宣布將於八月卸任嘅美國駐香港及澳門總領事夏千福，尋日就同一樣宣布唔再競逐連任立法會議員嘅劉慧卿一齊食榮休午飯。卿姐話，美國領事館方面本來係打算同議員開會交代接任嘅事，但佢就覺得食飯傾偈好似開心啲，所以就請夏千福食咗餐告別午飯。
卿姐話，其實同夏千福都無咩重要議題要傾談，只係朋友敍舊，仲話唔係只約夏千福，好似上星期五亦都有同加拿大駐港總領事柏伊恩食飯，嚟緊又會約其他領事及歐盟代表添。卿姐最後仲叫大家多啲留意佢嘅Facebook，因為佢好多時食飯後都會將合照上載上網，咁就可以知道佢每日同咩人食飯喇！
（互聯網）