為咗頭家阿木「危險都要做」
【本報訊】「佢絕對係一個好爸爸，好先生！」慘死的修路工人陳木完「阿木」，與妻子育有十三及十歲的女兒，長女剛升中要補習，幼女患血癌，要服中藥控制病情，惟藥費每月要四千多元，阿木為賺多些擔起頭家和為女兒醫病，八年來三次轉工，三個月前由不用落地的洗街車，轉駕要落地工作的工程車，雖然妻子擔心他安全，但他向妻子稱：「危險啲都要做。」他昨日不幸遇難，幼女哭問媽媽：「爸爸點解要返工返得咁辛苦？」由於陳家中頓失經濟支柱，不少市民伸出援手助渡難關。
妻徬徨：成個家庭支柱冇咗
阿木與妻子結婚十四年，妻子任文職，月入萬多元，大女剛升中一，細女兩歲起就患血癌，阿木以前做裝修工人，因收入不穩定，八年前轉揸洗街車，但不用下車工作，最近因公司工程合約問題，三個月前轉到新公司。陳太稱，因經濟負擔加重，「佢（阿木）話要出番嚟做，諗住賺多幾個錢幫補家計」，遂轉揸工程車，需落地工作及返夜班，日薪增至約七百八十元，惟因工作有危險，陳太亦擔憂丈夫有意外，曾勸其轉工。而阿木前年七月在facebook透露，他亦險發生車禍，並上載一張公路上有水馬被掃跌損毀的照片，並留言：「後面做前面撞！」其妻則留言關心：「小心點！」
陳的幼女昨晨看新聞得悉有工程車意外，擔心爸爸有事，陳太「發覺唔對路」，隨即致電丈夫卻無人聽，之後收到丈夫同事通知，方知丈夫出事，惟她趕到時已無法見丈夫最後一面。陳太哭成淚人，她指丈夫十分顧家，坦言：「佢搵幾多都畀晒屋企，唔顧自己身體，完全付出晒畀兩個細路」，細女有病要經常出入醫院，阿木亦「捱住唔瞓一路陪住細女」。陳太指原本一家人計劃今個禮拜去睇戲及暑假往澳門，惜已無法實現。她悲稱：「我成個家庭支柱都冇咗，佢（丈夫）突然之間唔喺度我都唔知點算」，昨午她在工業傷亡權益會代表陪同下，與丈夫所屬公司商討，公司願意支付一筆過的恩恤金，可應付殮葬費、兩女兒日常開支及細女醫藥費。