政情：本土派抽水籌款 民陣「無你符」

岑子杰話，民陣本身有表格予打算擺街站嘅組織報名，方便協調。而現時報咗名嘅五、六十個組織入面，就無青年新政份。佢仲話，歡迎認同民陣綱領嘅組織擺街站，但唔明白既然本土派唔認同民陣，點解又要擺街站呢？

遊行收入勢遭分薄

另外，以往學生團體都會參與遊行，甚至負責牽頭。岑子杰就話暫時未收到有學生團體表示會參與。副召集人孔令瑜就話，打算邀請社工學聯、理大、嶺大、教大參與。

據知以往泛民政黨都會喺七一遊行期間擺街站，籌得款項都會「分一杯羹」給民陣。依家時興本土熱潮，相信本土派組織擺街站籌款都應該得到唔少「金主」捐款，肯定分薄泛民收入，但又唔會學泛民政黨咁「回贈」給民陣，因此民陣籌款收入可能會減少。