立法會尋日繼續審議財政預算案，工聯會議員王國興（阿王）發言時講到面對失業率回升及各個行業經營困難，大家都希望預算案措施盡快落實，但係泛民議員就「聽而不聞、視而不見」，坐喺冷氣房有人斟茶遞水「印印腳」，令人齒冷。阿王大數酒店業、建築業等苦況，激動話：「面臨斷炊，但係我哋就無動於衷」，但佢就讀錯做「斷磡」，其後被糾正「炊」字讀音應該係「吹」，即「巧婦難為無米炊」個「炊」字。睇嚟議會嘅樹根化現象愈來愈嚴重喎！
