假如有得揀離地生活，你會選擇繼續貼地？我信，Gia Ramey都唔信啦！皆因阿妹同我哋一樣天生貼地，日捱夜捱，深信勤力工作，將來就可過舒適無憂嘅生活，但眨眼幾年，換嚟係衰過以前，工時愈做愈長，工種愈做愈差，無得揀無得怨兼無人理，唯一選擇係繼續搵命博！
如果打一份工就搵夠錢，邊個願意撈多幾份兼職呢？所以你睇Gia Ramey既係平面Model，又係藝員、唱作人兼拉丁舞蹈員，大概都知道佢幾恨錢啦！當然阿妹唔會畫公仔畫出腸話你知，反而用一個好動聽嘅理由話Love Life！愛生活？但現實係佢出道3年都未演過戲，未見佢喺社交網上公開跳舞相，亦未聽過佢唱歌，反而行行企企客串演出MV，以及拍吓電器平面廣告就係咁多，咁都叫愛生活，咁細佬咪勤力過首富？所以乜都假，愛乜愛物都係虛名，真係做到就唔使搞咁多大龍鳳，應該係專心發展，直至有成績自然會另謀高就啦！
撐Gia Ramey嘅粉絲一定唔認同，啱嘅！阿妹又嫩又索，仲有對天然34D靚咪，而且非常有愛心，尤其對待小動物，一有空餘時間就會瞓身動物組織，為爭取動物權益發聲，呢啲女去邊度搵吖？所以Gia Ramey喺歐美好多人識，加上阿妹今年正式加盟裸模行列，個Package咁好，要過離地生活又近一大步喇！
點解Gia妹咁渴望離地，唔係純粹貪慕虛榮可以解釋得晒。話說喺美國加州長大嘅佢興趣多多，鍾意爬山、潛水、跳舞、打拳，仲有唔少得去旅行，但當佢投身社會工作，完全感受到冇錢冇時間嘅貼地生活後，對於一心想靠自己完成嘅夢想逐一破滅時，更加想不顧一切去實踐，可惜滿足到自我就滿足唔到層樓嘅按揭，仲未計供養父母等支出，咪同好多港人一樣，繼續邊捱邊怨，燃燒生命囉！
而Gia選擇喺埋怨嘅同時以極速博一鋪，希望喺最短時間上位，脫離捱死一世厄運，好大可能係咁佢先選擇做裸模，咁結果佢成唔成功？時間咁短梗係未有答案啦，但心水清嘅巴打都預測到，自Gia加入裸模界後，拍親都係大牌寫真網，兼有個人網站，呢個Package對比其他裸模仔，相信阿妹好快就更上一層樓，各位拭目以待！
簡介：想過離地生活，就要睇吓Gia Ramey嘅網站，唔係話佢堅離地，而係明明係裸模一名，但阿妹唔多賣弄性感，反而係介紹自己做過乜同想做啲乜，擺明係歡迎各界睇辦，有啱佢嘅Job就直接搵佢啦！
網址：http://giaramey-gay.com/
出生日期：1992年2月5日
三 圍：34D-24-35
身 高：5呎6吋
撰文：祖