政情：今日你上鏡：蒙德揚做生意要「睇天」

香港零售業處於寒冬，唔少連鎖品牌都接二連三傳出關閉分店嘅消息，似乎業界仲有排捱。信興集團主席兼行政總裁蒙德揚就認為，除咗市道因素影響生意外，其實天氣或近期突發事件都會影響產品銷情，例如鉛水事件就令濾水器銷量急升，認為要擴展多元業務，咁就有唔同產品配合消費者嘅需求。不過，佢就睇淡AV影音器材嘅未來發展，事關好多人都用緊智能電話，對影音器材需求有下降趨勢，而且需求只會愈來愈少。