平等機會委員會主席陳章明上任前講過，立法唔係杜絕性傾向歧視嘅最好辦法，一向反對就性傾向歧視立法嘅性傾向條例家校關注組召集人黃偉明，日前仲透露同陳章明通電話，話陳章明仍然對性傾向歧視立法持中立立場，相信佢無變心喎。不過，尋日陳章明接受訪問時就又話，平機會關注小眾權益，亦都傾向就保障性小眾權益立法，至於點樣立法同立法內容就要討論。一時話中立，一時又話傾向立法，究竟陳章明有無變心？睇嚟黃偉明要當面質問清楚喇！
