政情：美容刮韓風 朱雯迪嘆港不濟

近年韓式美容席捲亞洲，唔少業界老行尊對呢股潮流都唔敢坐視不理。國際美業評審總會創會會長朱雯迪（Mandy）就笑笑口話，佢做呢行幾十年，原本堅持唔代理亞洲品牌，直至幾年前韓流出現，仲愈來愈風行，迫使佢都要去認真研究韓式做法有咩唔同，依家仲代理唔少韓國美容及保健產品添！Mandy話，同韓國相比，香港政府對美容業嘅發展態度太保守，業界同政府不時有矛盾。佢感慨話，香港美容業若跟唔上科技潮流，只停留在傳統美容階段，業界只會愈嚟愈難生存。