自從黃之鋒將成立多年嘅學民思潮摺埋，另起爐灶創辦政黨「香港眾志」，佢嘅命運就如諧音「中箭」一樣，不停被網民圍攻。最新情況係黃之鋒嘅社交網站Instagram（ig）帳戶，前晚疑被黑客短暫入侵，上載咗多張少女生活相片，部分相片除咗瞄準女子下身，更有疑似韓女嘅露點照。究竟係黑客入侵，抑或佢都有相關嗜好，咁就真係唔知喇。
黃之鋒平時好少用ig，但本報前晚發現佢竟然上載多張少女着旗袍及生活相片，據說相中人係前學民成員、曾經於佔領行動期間絕食嘅盧彥慧，部分相片更是瞄準她嘅下身拍攝。
另外，記者又發現有露三點嘅少女相，有網民就話嗰個人係韓國一個女子組合嘅成員，但就唔知係咪黃之鋒平時都有睇開有關相片，抑或被黑客入侵，將鹹相強加入佢嘅帳戶。
據了解，相信黃之鋒好快就發現ig帳戶被入侵，幾分鐘後已將相片刪除，但網民已將相cap（撮）圖，尋日凌晨更開始喺討論區分享。本報曾向黃之鋒查詢，暫未獲回覆。
卓妮