貴價澳洲蝦最好食
要買靚蝦，相信沒甚麼比到街市走一趟更方便；最了解各類型蝦的人，則非市場內海鮮檔的檔販莫屬。「最好食嘅一定係澳洲老虎蝦，有膏而且彈牙，成隻手掌咁長，啖啖肉，但當然就貴啲啦，可以賣到成二百蚊五隻。」大埔墟街市海鮮檔檔主梁先生侃侃而談，隨手拿起內地基圍蝦作比較，「呢隻蝦就得個爽字，冇乜蝦味囉。越南蝦都少入嘅，因為冇咁好食。」
據梁先生稱，本地蝦集鮮、爽、甜於一身，「開邊清蒸」最能品嘗到蝦的原味，亦是暢銷的蝦款之一。但現時最當造的，一定是赤米蝦。赤米蝦很容易辨認，鮮紅色外殼布滿不規則的紅點斑紋，大約只有尾指長，非常鮮甜，「雖然有人會認為肉質唔夠爽，但佢嘅甜味係好獨特嘅。」