任職中文大學校長六年嘅沈祖堯早前就向校內師生發信，話如果喺佢一八年任期滿之前，校方已覓得新校長人選，佢會願意交棒，但就一再強調對參政無興趣，咁早講定唔撈，令外界揣測佢係咪想打開口牌，望有人搵佢過檔，甚至做官，更上一層樓。沈祖堯尋日出席活動時，再次表明自己唔會從政，只係希望喺自己仲有能力、仲有記性、同仲有少少創意嘅時候，重返醫療研究及醫治病人上。咁希望沈祖堯喺佢仲有能力、仲有記性嘅時候，都記得自己講過唔會從政，立此存照，唔好講咗又唔算數喎！
