中環出更：肥佬黎 Mark Simon 入美領館 疑打報告
被踢爆多次秘密捐款畀泛民主派政團、被指為泛民金主的壹傳媒集團前主席黎智英（肥佬黎），經常都召集泛民人士到其何文田寓所密會，早前更有外國傳媒高層上門與他見面添！不過，肥佬黎尋日就主動出擊，同曾任美國海軍情報員嘅左右手Mark Simon到中環美國駐港總領事館（美領館）逗留一個半小時。距離立法會選舉不足四個月，而國家領導人又即將訪港，莫非佢哋要去報告工作？抑或密謀搞事呢？
尋日朝早近十點，Mark Simon搭的士去到肥佬黎位於何文田嘉道理道嘅寓所集合。至十點半，肥佬黎就同Mark Simon一起乘坐黑色房車離開寓所，前往美領館。
逗留約1.5小時
不過，肥佬黎抵達美領館花園道嘅車路入口時，向駐守領事館門口嘅保安員交代幾句，及後肥佬黎嘅座駕就駛入美領館。
肥佬黎同Mark Simon在美領館逗留約一個半小時，至十二點四十五分才離開美領館，返回何文田寓所。其座駕返抵寓所後，肥佬黎先入屋，之後Mark Simon再坐肥佬黎座駕離開。肥佬黎同Mark Simon在美領館逗留一個半小時，究竟所為何事呢？莫非係報告泛民陣營內部嘅最新情況？又密謀搞事？
卓妮