「危樓」業主：只想快啲搬
【本報訊】春田街/崇志街重建項目延期，有年老業主形容等到「頸都長」。七十四歲的業主古先生與太太居於重建項目一個單位近三十年，屋內多處石屎剝落，終日提心吊膽，去年獲悉大廈納入重建，滿心歡喜，豈料計劃再添變數，直言「惟有博條命長啲」。他表明不願再等，如價錢合理，會以市價將單位售予市建局，先套現在同區另覓一個有升降機的單位。
石屎剝落鋼筋已斷
另一位業主王太，一家五口居於春田街一單位約三十年。她指廁所的石屎曾剝落，部分鋼筋更已折斷，加上樓上滲水，非常危險，「無咩事都叫小朋友唔好入去」。她想盡快搬離「危樓」，會考慮向市建局出售樓宇，「依家又話遲多兩年，好無奈，就算附近搵到細少少都唔緊要。」她去年獲悉大廈將重建後，曾留意附近私樓單位，三百多平方呎的單位索價亦達四百多萬元，她希望盡快將單位售予市建局，套現轉購私樓。