外號「民主阿婆」嘅前政務司司長陳方安生創辦嘅「香港2020」議政平台，成立短短三年就「大縮皮」，辦公室由大搬細，面積由過千呎縮至少於一千呎。最耐人尋味嘅係，過去多次於七一遊行陪伴民主阿婆左右、「香港2020」核心成員之一嘅研究總監李永達，原來最近忽然離職，究竟係「被離職」定係「跳船」，只有佢自己至知喇！民主阿婆創辦嘅「香港2020」落得「縮人又縮皮」嘅下場，摺埋似乎係遲早嘅事。
