政情：星星晒相憶頭髮濃密時
男士人到中年，相信不少都會受困於頭髮愈來愈稀疏，當中環境局局長黃錦星（星星）亦是頭髮稀疏之人。當然，回顧歷史，年少時嘅星星頭髮係非常濃密，但你又見過未？我見過，我真係見過o架！尋日星星就喺facebook專頁上載咗張三十六年前，即是一九八○年嘅相片，回想那些年，正值中五會考前唔使返學自修期，就與同學遠征當年新啟用嘅麥理浩徑。
三七分界 潮戴大框眼鏡
其實星星係為咗宣傳啱啱獲國家地理頻道評為全球二十條最佳行山路徑之一嘅麥理浩徑，所以不惜「出賣」玉照。當年嘅星星，頭髮係三七分界，戴上一個當年流行嘅大框眼鏡。佢回憶起當時，驚覺其中一個團友背包，竟暗藏一本Ｎ吋厚嘅會考化學科天書同行！佢話郊遊不忘「本」。當然，身為環境局局長，星星也勸行山友本分應是愛惜大自然，行山基本應參照「山野無痕」，如自己垃圾自己帶走、自己水壺自己帶、少用即棄物品。
