已被叮走嘅平等機會委員會前主席周一嶽（廢鑊）卸任前周圍辣火頭，卸任後仍噏三噏四，佢日前接受傳媒訪問時話，香港依家每事都政治化，戾氣太重，佢作為醫生都唔知點醫呢個病喎。如果講到香港政治化同有病，廢鑊真係要負責，事關佢一上任就周圍辣火頭，除咗高調出席撐同志活動，被外界質疑平機會偏頗；檢討歧視條例保障內地新移民及個人遊旅客又惹爭議；佢任內仲爆出無理解僱、大花筒豪租辦事處、肥上瘦下僭建職位等醜聞，所以佢先至係挑起矛盾及爭拗等社會病毒嘅源頭！
