立法會新界東補選過咗將近兩個月，但各參選人嘅選舉開支最近才陸續出爐。民建聯（民記）離島區議員周浩鼎嘅選舉開支約一百六十一萬元，雖然同上限二百六十二萬五千元仍有一段距離，但佢喺明知勝算唔高情況下仍豪花百六萬，無疑係倒錢落海，所花款項幾乎夠買半層細價樓。
根據周浩鼎向選舉事務處提交嘅選舉開支申報，佢喺今次新界東補選合共花了約一百六十一萬一千元，當中花費最多是宣傳廣告費用。選舉開支又揭露，周浩鼎在補選期間多次被食環署檢控，合共需繳付六千多元，用作繳付移除宣傳品嘅費用。
若以周浩鼎獲得大約十五萬票計算，即每票成本接近十一元。不過，佢嘅捐贈全部來自民記，以該黨司庫黃建源名義全數捐出。莫非因為有黨全數資助競選經費，所以周浩鼎豪使都唔覺得肉痛？