有「廢鑊」之稱嘅平等機會委員會主席周一嶽，三年任期內醜聞不絕，終於喺爭議聲中被政府「叮走」。不過，廢鑊似乎對不獲續任唔忿氣兼死心不息，即使任期明日屆滿，尋日仲把握最後機會公布歧視條例檢討報告，對於佢上任以來就堅持納入保障範圍嘅「事實婚姻」，報告建議政府就法律上承認同性同居關係進行全面研究及公眾諮詢。廢鑊冥頑不靈就事實婚姻「巧立名目」繼續推展，等於為候任平機會主席陳章明埋下炸彈同地雷，一唔小心隨時炸到粉身碎骨。
