政情：公民講場：教買澳門機場 黑英大想頭

天文台前台長林超英（黑英）尋日出席電台節目時突發奇想指，為免將來機場第三條跑道工程變成另一高鐵黑洞，港府應該善用依家起緊嘅港珠澳大橋，考慮買入澳門機場，咁樣香港就擁有雙機場，好過興建第三條跑道喎！其實若港府買起澳門機場亦唔算咩新鮮事，股權投資罷了，問題係同香港起三跑以保持機場嘅國際競爭力係兩回事，而且即使港珠澳大橋起好後，香港到澳門只係半個鐘頭嘅事，但要啲乘客拖住行李上上落落驗證兩次先可以去到澳門機場搭飛機，咁麻煩，係咪想玩殘香港人先？黑英呢個屎橋都冇人騷喇！