喺人生路上隻身奮鬥，總會感到孤獨嘅時候，喺呢一刻，你會點做呢？而內地模特兒劉嘉琦就希望喺奮鬥嘅同時，身邊有個可以依靠嘅對象，相信唔少巴打都想成為當中嘅男主角。
今年26歲嚟自吉林嘅劉嘉琦，英文名Cherry，擁有令每個男士都興奮無比嘅火辣身材，尤其係嗰對激凸胸器，輕易成為大家嘅焦點。內地模特兒界有唔少號稱性感女神嘅囡囡，但係當佢哋遇到嘉琦，光芒總會不期然黯淡起嚟，皆因呢位外形堪稱完美嘅美人，不但擁有索爆身材，標致嘅五官更係迷人。由於出色嘅先天條件，故此每張相都唔使經過後期修飾，便能展現出由內而外嘅誘人味道，構成足以令任何一位男士迷醉嘅畫面，因而被喻為寫真攝影師鏡頭下最喜愛嘅模特兒。
事實上，嘉琦嘅艷光早就喺各個選美比賽中綻放，於2014年參加國際遊艇模特大賽北京賽區比賽，結果佢擊倒一眾參賽佳麗奪冠軍，同年參加中韓選美總決賽，亦獲得冠軍，足見佢嘅外形同實力早已獲得大家嘅認同。投身模特兒界後，嘉琦活躍於各種媒體，包括時裝、化妝、汽車、男士等雜誌同網站，並且以車模身份喺各個車展中亮相。雖然工作不斷，但講到真正令佢人氣急升，莫過於推出多輯性感寫真，透過攝影師嘅鏡頭，不但展現出猶如魔女般嘅攝人魅力，加上超性感嘅演出，睇到人心跳加速。
喺廈門藝術職業學院畢業嘅嘉琦，為咗令自己嘅演藝事業得到更大嘅提升，2003年轉到北京修讀舞蹈同影視表演課程，而當時佢開始兼職做模特兒，其後正式加入模特兒行列，全力向模特兒事業嘅高峰邁進。
咪睇嘉琦外表剛強，原來佢曾被失戀所傷，仲經歷咗一段漫長嘅療傷日子。雖然唔知道佢專注工作，係咪為咗忘記傷痛，但可以肯定嘅係佢憑住努力，喺業界獲得唔錯嘅成績。人總有脆弱嘅時候，就算好似嘉琦咁堅強亦一樣，難怪佢早前表示好想嫁人，佢坦言每日面對忙碌嘅工作，希望能夠搵到一個心靈避風港。不過，佢對另一半有相當要求，佢曾經喺微博話：「一個男人條件再好，他沒有時間陪你，也是多餘的。」而阿妹最理想嘅對象係有責任心，所以想成為嘉琦嘅心靈避風港，必定要有所付出至得。
簡介：嘉琦隻身到北京發展，當中嘅辛酸真係不為外人道，好彩佢不但得到家人支持，更獲得粉絲力撐。如果大家想認識多啲呢位火辣女神嘅話，記得要去佢嘅微博睇吓喇！
網址：http://weibo.com/u/2383879301
出生地：吉林
身高：173cm
三圍：36、24、35
撰文：魂