香港市區嘅空氣質素一直為人詬病，唔少都市人因為空氣污染而有鼻敏感，有鼻敏感嘅全國青聯副主席施榮忻（Jaime）就搵中醫做針灸治療。Jaime話，醫師施針時支針由左邊面分別穿過人中及眉心位置，再從右邊穿出，驟眼睇已經覺得痛。Jaime就話，聽落都以為危險，但佢已幫襯呢位中醫兩年，雙方有晒互信，仲大讚中醫拮得好，鼻敏感情況亦好咗唔少，間唔中忍痛都抵番喎！不過，睇番佢拮針個樣，可能嚇親佢對年幼嘅寶貝子女喇！
