臨近九月立法會選舉，各大政黨嘅參選名單差唔多塵埃落定，公民黨（公文袋）嘅名單內唔見現屆立法會議員陳家洛，聽聞原因係要將港島席位讓畀該黨副主席陳淑莊，而陳家洛有機會喺下次換屆選舉時做黨主席，算係拎番個安慰獎喇！
今屆立法會選舉，時任立法會議員陳淑莊與陳家洛組成聯合名單參選，結果排第一嘅陳家洛成功進入議會，排第二嘅陳淑莊就連任失敗。外間認為，陳家洛之所以成功係靠陳淑莊知名度，所以公文袋內有不明文協定，要陳家洛讓番個位畀陳淑莊，而佢就轉戰超級區議會。不過陳家洛上年區選失利，因此無望做議員。
有公文袋成員暗示，陳家洛有機會拎番個安慰獎。陳家洛回應就話，仍未考慮九月後嘅去向，又話自己已經做過主席，要留機會畀年輕人。咁如果有人支持，做定唔做？佢就話唔答假設性問題喎！