愛的呼喚自殺青年重生
自殺風潮如瘟疫般蔓延，究竟我們能如何「抗疫」？答案或許盡在一個「愛」字之中。現年廿三歲的明仔（化名），兩年前因無事業、無女友、無健康，「覺得做人好辛苦」，從十八樓一躍而下，盆骨盡碎、右腳斷開三截，卻奇迹地從死亡幽谷中一拐一拐走回人間。如今他出入要靠輪椅代步，身體狀況比自殺前更差，但在家人及醫護人員的關懷下，卻重新感受到人間有愛，並重燃對生命的熱情。他對當日的決定深感後悔，慶幸還有第二次機會回報父母的愛護，希望能再以雙腳走出新的路。
一四年一月十四日晚上七時半，明仔廿一歲，從黃大仙下邨十八樓家中走到後樓梯一躍而下。這已是他第三次嘗試自殺，之前四年間試過服毒、在天台危坐，最後不是狠不下心，就是被救回。這次他鐵了心，按着欄杆往外一躍，「臨跳落去都記得係兩行眼淚，覺得做人好辛苦，嗰時無搵朋友求助，好決絕咁飛咗落去。」
處處碰壁 覺人生無意義
明仔合上眼回想短暫的人生，五歲時父母離異，大部分時間與父親同住，中四開始輟學，並患上思覺失調、抑鬱症。他一直打散工，侍應、跟車、冷氣維修都做過，但每份工做不過三數個月，眼見友人繼續升學工作，過正常人生，自己卻「咁多年嚟都係原地踏步，冇乜點改善」，加上與女友分手，「覺得做人冇乜意思，咪不斷想求死」。
到再張開眼睛，他已經躺在深切治療部，經過了十多小時搶救，輸了十幾包血，只見身上插滿喉管，「打咗個突，我心諗，十八樓跳落嚟都死唔去？」明仔盆骨着地盡碎，左胸肋骨折斷插穿肺部，右腳斷開三截，左腳神經受損無感覺，但其他主要器官奇迹無損，檢回一命。
明仔在病榻上仍然想死，轉捩點是目睹醫護人員及家人的支持，愛的種子終於在明仔鬱結的心靈中萌芽，令他尋回生趣。「知道佢哋用咗好多心機時間救番我，對佢哋最好回報就係好好做人。」熬過多次手術、手腳植入鋼板、物理治療及針灸，現時左腳仍然沒日沒夜地痹痛，每月總有一兩次夜裏痛醒，泌尿系統受損亦會間或滲尿。
勸迷惘青少年勿失希望
雖然受病痛折磨，但明仔已重拾目標，定時做物理治療鍛煉雙腳肌肉，並計劃安裝腳托協助行走，希望能夠再次腳踏實地做人，找一份穩定工作，不再令家人擔心，「好多青少年都有迷惘時刻，如果搵唔到自己嘅目標，繼續生存落去就一定搵到，但唔生存落去就一定會搵唔到！」
記者張汶樂