旅遊業位列香港四大經濟產業，佔香港本地生產總值（GDP）逾百分之五。惟根據旅發局數字，今年一月總訪港旅客人數為五百二十三萬，較去年同期約五百六十萬人次，下跌近百分之七。當中以佔訪港旅客近八成的內地旅客尤為顯著，錄得近一成跌幅，暴跌近四十五萬人。有立法會議員指出，近月旅客數字持續下跌，除自身及外圍因素，亦可歸因於缺乏整體規劃。
「一連串『驅蝗』、『反水貨』行動，又試過有內地遊客爭執期間心臟病發過身，加上一周一行，佢哋（內地旅客）會覺得香港好唔歡迎佢哋。」旅遊界立法會議員姚思榮指出，外圍經濟疲弱、歐美日韓地區放寬內地旅客簽證，均為本港旅客減少成因，但政府自開放個人遊起未有制訂中、長期政策，「嚟緊會用兩億元宣傳，但仲係用緊舊招，忽略咗發展新景點同改善配套。但係內地都有同類主題公園，要發展啲淨係得香港有嘅歷史、文化遊，先有吸引力。」