能夠成功喺一項比賽當中取得冠軍當然唔簡單，之不過攞到冠軍未必一定係實至名歸，可能只係池中無魚蝦為大，對手比佢弱而已。相反，入圍佳麗個個實力強勁的話，橋本梨菜就算得到亞軍，亦證明其實力一等一。
日本寫真界美女眾多，不過出名嘅極品美人並唔係憑空而來，佢哋之所以有今時今日嘅成就，迷倒萬千男兒，都係需要時日去醞釀、培育，正如多年前嘅C朗咁，當日仲踢緊葡萄牙班霸士砵亭時係有唔錯嘅表現，但係經過效力曼聯再去到皇馬之後，先至踢到家陣咁出神入化，而橋本梨菜呢位近期喺日本寫真界火速上位嘅女優亦係一樣。
唔經唔覺梨菜出道已經有8年，不過近兩年至令人留下深刻印象。以前梨菜係點就唔講喇，現時嘅梨菜真係索到啪啪聲，簡直係完美，小弟會用三個「美」嚟形容佢。第一美就梗係梨菜天生一張美人胚子，青春貌美兼具綺麗韻味；第二美係美巨乳，一對G奶形質俱屬上乘，稍稍露半球已經迷死人；第三就係美臀，梨菜嘅屁股渾圓又堅挺，表面仲光滑鮮嫩，集三大美點於一身嘅梨菜被寫真界稱為「完璧美人」，意思即刻完美咁解。
橋本梨菜早喺2008年出道，不過當時主要做雜誌模特兒，再者當時嘅佢冇家陣咁索咁吸引，故人氣唔高。經過多年浸淫同收身，梨菜喺2014年大爆發，以令人驚艷嘅寫真演出成功取悅觀眾，更加喺「汐留寫真甲子園選美比賽2014」奪得亞軍，當年實力強勁者眾，包括有巨乳貓娘青山光，而梨菜能夠獲得亞軍絕對唔簡單。
得獎後，梨菜嘅發展更上一層樓，除咗以寫真偶像小組「sherbet」出賣大好身材同青春魅力之外，仲喺Sky PerfecTV嘅電視頻道擔任音樂節目主持，瓣數愈來愈多，原因係梨菜每次演出都好認真同投入，就以拍寫真DVD為例，有一次導演要求佢扮微醉，點知阿妹二話不說將成杯威士忌飲晒落肚，可見梨菜做事認真，難怪老闆咁錫佢啦！
簡介：橋本梨菜不時會將自拍性感照放上博客同大家分享，每張相都展現出阿妹嘅好身材同自信心，唔睇真係對阿妹唔住。
網址：http://lineblog.me/hashimotorina/
年齡：22歲
身高：5呎3吋
三圍：34G-23-34
撰文：賢