行政會議通過接納獨立薪津委員會嘅建議，下屆立法會議員人工基本不變，部分辦事處營運津貼仲有得加。其實立法會近年嘅表現可謂爛透，泛民拉布、爆粗、掟嘢唔在講，建制派就連保皇角色都做唔好，喺政改方案表決時集體「甩轆」，理應被減薪甚至炒魷，依家只須凍薪已經係賺咗。議員每月袋緊九萬三千幾蚊人工，仲有每月廿幾萬元各式各樣嘅津貼，納稅人真係唔火滾都幾難！
