政情：八網難逃：區詠芷入「反倒泥群組」惹爭議
非法傾倒泥頭嘅問題近日鬧得熱烘烘，環境局靚女政治助理區詠芷（Michelle）尋日有意加入facebook「反轉倒泥友」嘅群組，即時惹來極大反彈，該群組有組員擔心佢加入群組旨在「索料」，亦有指佢加入群組只係「入嚟食花生」，認為應要將佢驅逐。
對於該群組組員嘅反應，Michelle自言唔係神秘人，形容係坦坦白白希望加入群組，又話新界區咁大，政府如要發現唔同地區嘅傾倒泥頭黑點，需要市民反映，加上同各環保團體加強溝通係佢嘅責任，加入唔同群組可以快啲掌握資訊，加快處理有關問題。不過，佢最後都補充，若「反轉倒泥友」群組唔歡迎佢，亦唔介意被刪除，一切交由網主決定。
（互聯網）