政情：區議員黎梓恩又「被變性」
政府部門重複犯錯，再次把沙田區議員黎梓恩由「男變女」！繼民政事務局早前寄出嘅信件出錯後，最近由規劃署寄予黎梓恩嘅信件，收件人再次寫上「黎梓恩女士」。黎梓恩接受查詢時話，早前已就「被變性」一事向民政事務局投訴，冇諗過政府會再度「甩轆」，自言已冇力氣再作出投訴。
黎梓恩續指，最近亦有一、兩封由其他機構發出的信件寫上「黎梓恩女士」，之不過佢認為其他機構出錯係情有可原，形容政府部門嘅出錯係「可惡」。
除此之外，規劃署嘅錯誤疑似「一不離二」。黎梓恩報稱，自己早於上月已向沙田區議會更新辦事處地址，但今次規劃署嘅信件仍然寄往佢早前借用友好議員辦事處嘅地址，懷疑規劃署未有及時更新相關資料喎。