政情：搬竇開校董會 「漢」似有橋抄

香港大學為咗避免再被衝擊，早前破天荒將校務委員會會議移師校外舉行，結果場外一個示威者都冇，會議順利舉行。嶺南大學校董會之前亦曾兩度因為學生衝擊而搞到開唔到會，嶺大校長鄭國漢尋日出席一項校內活動，有記者就問佢會否向港大抄橋改於校外開會？佢推說下次校董會連開會日期都未定，至於開會地點亦係有待校董會決定。不過鄭國漢就好緊張咁澄清，上次開會佢只係搵另一條路徑進入開會場地，並非如某啲傳媒所講「落荒而逃」喎。