十隻手指有長短，每個人都有長處同短處，好似日本寫真女郎咁，好多都係一等一嘅絕色美人兒，但係同時擁有極品巨乳就冇幾多個。森川彩香擺明唔係巨乳妹，但係條腰夠纖幼，一樣可以成功突圍。
小弟近年去過幾次日本旅行同公幹，除咗感受到日本人嘅禮貌以及美食之外，仲留意到好多日本女仔識得化妝同打扮，身材又嬌小玲瓏，弗到漏油，難怪令我哋港男如此着迷，朝思暮想都希望娶個日本妹做老婆。提到身材嬌小，日本寫真界最近有一位嬌小極品，佢就係森川彩香喇！
19歲嘅彩香同有日本國寶級美巨乳之稱嘅佐山彩香有相同亦有相異之處，二人相同之處在於大家都咁青春嫩口，俏麗迷人，面上嘅活潑精靈氣息深深吸引麻甩佬嘅目光；相異之處則係佐山彩香身材豐滿兼帶點肥膩感，但係森川彩香就屬於瘦削型，條水蛇腰只係得21吋咁幼，而且極度柔軟，擺姿勢嘅時候顯出曲線美，同時令C Cup上圍睇落更有睇頭。
森川彩香就係因為擁有呢條21吋水蛇腰，令寫真界人士同寫真迷勁讚，阿妹更憑呢條蛇腰喺選美活動「NEXT寫真女王戰鬥」第四季當中獲得特別獎。至於，阿妹點樣Keep住條腰咁幼呢？想信唔少女士都想知道。
原來森川彩香係舞林高手，最拿手跳爵士舞同街舞，成為AKB48第11期成員時，彩香更加將舞蹈才華發揮，為組合設計舞蹈兼做埋客串排舞教練，認真叻女！加入AKB48嘅時候，彩香亦憑住精湛舞技成功突圍。脫離團隊之後，佢向寫真界進發，不過阿妹表示發展事業嘅同時希望可以搵個男朋友照顧自己，原因係彩香加入AKB48嘅時候被限制唔准拍拖，可以話餓咗好耐，而最估唔到係阿妹喜歡年紀大佢一截嘅大叔，咦！咁小弟咪符合條件咯，好嘢！
簡介：森川彩香經常將自己每日嘅生活點滴放上微博同大家分享，想深入了解阿妹就可以Click上去睇睇，當然仲可以欣賞埋佢嘅性感自拍照同短片，粉絲們唔好錯過呀！
網址：https://twitter.com/morikawa_ayaka?lang=ja
年齡：19歲
身高：5呎3吋
三圍：32-21-33
撰文：賢