政情：八網難逃：李國章歎可樂 「馮」乜都抽
正在北京嘅港大校務委員會主席李國章接受傳媒訪問時，點名批評港大校委會委員、港大學生會前會長馮敬恩嘅行為失禮大學生，馮敬恩於社交網站疑似反擊，連李國章飲可樂嘅習慣都抽水一番。
馮敬恩尋日下午於社交網站爆料指，每次開校委會都見到現年七十歲嘅李國章，仲會喝可樂，用手指「了下了下」杯中嘅冰塊，喝得津津有味，又稱時間或者唔一定站喺香港嘅那一邊，不過肯定站喺年輕人一邊，最重要係不要放棄，努力裝備自己。
其實李國章於開會期間飲可樂屬於個人習慣，馮敬恩竟以此借題發揮抽水一番，似乎二人嘅恩恩怨怨，真係一匹布咁長，非三言兩語就可以拆解。