政情：葉劉除皮草晒優質國貨

讚媲美歐洲貨

葉劉身穿一件棗紅色皮草大衣到立法會開會，透露皮草係十多年前任職保安局局長時到哈爾濱度假時購入，該皮草係中國製造，價值一萬多元人民幣，可以抵禦零下二十度寒冷天氣。

佢稱讚皮草禦寒能力高，媲美歐洲貨，更當眾脫下皮草大衣，力證係「真國貨」。

葉劉仲話，近日氣溫急降，佢外出落區時都未有穿上皮草，簡直係「凍到死」，所以立即搵番件皮草出來穿着。

對於穿着皮草或惹來環保團體批評，葉劉就話皮草係來自人工飼養嘅動物，唔係野生動物。