武田玲奈我來自魔界

嬌艷欲滴

最近好多男士都傷心欲絕，唔係因為上原亞衣好快就同我哋講拜拜，而係日本藝能界嘅美女偶像北川景子同名門之後DAIGO結婚，嫁作人婦令大家嘅夢想幻滅。不過，大家唔使咁傷心，北川景子雖然係美艷絕色，但係隨年紀增長，已經冇初出道時咁青春活潑，不如由依家開始大家將感情投放到武田玲奈身上啦！

今年18歲嘅玲奈正宗係十八歲卜卜脆，皮白肉嫩嬌艷欲滴，青春味濃到化不開，五官標致加上一雙精靈大眼睛，認真人見人愛，棺材見到都會打開蓋！此外，阿妹全身肌膚白滑又有光澤，身形纖巧得嚟上圍同屁股都有肉哋，加埋21吋水蛇腰，大大增加曲線美，令上圍睇落更有睇頭。

熱愛動漫

武田玲奈憑住嬌俏可愛嘅面孔喺2013年參加「第2屆歌手發掘試唱比賽」獲得大獎，繼而成為時尚雜誌《Popteen》嘅專屬模特兒。經過兩年模特兒生涯後，玲奈開始拍攝水着寫真，雖然身材唔及得上其他女優咁激凸，但係青春氣息搭夠，寫真銷售成績理想，同時玲奈亦喺影視界發展順利，更被周刊《少年JUMP》喻為擁有「歷史上最大級的卓越才能」，足見阿妹實力強勁。

玲奈的確前途無可限量，因為佢上年開始接連參演好多知名影視作品，包括電視劇《表参道高中合唱部！》以及《監獄學園》，電影則有《暗殺教室》以及《罪的留白》，每個角色都佔相當戲份，可見玲奈甚得影視界力捧。上述眾多作品當中唔少都係由動漫改編，事實上真係開正玲奈嗰瓣，因為佢係一名狂熱動漫迷，想將出生地設定為魔界，以加強自己同動漫嘅連繫。老實講，玲奈你氣勢咁強，喺好多人眼中根本就係魔王級嘅美女啦！

社交網站

簡介：武田玲奈同好多女仔一樣鍾意成日將自己嘅生活、工作動態喺微博公開，大家想了解玲奈嘅各種消息可以Click上佢嘅微博睇，當然唔少得欣賞佢嘅性感靚相啦！

網址：https://twitter.com/rena_takeda?lang=ja

武田玲奈Profile

年齡：18歲

身高：5呎4吋

三圍：30B-21-31

撰文：賢